U dalokim 1990 sami saboju pačałi zjaŭlacca piesni. Na ty momant tolki słovy hetych piesiań možna było zapisać. Ale kab pakazać kamusci jašče ŭsio toje, što nakaplivałasia ŭ hałavie, pryjšłosia samastojna avałodać hitaraj, notnaj hramataj, vučycca pieć i dalej udaskanalvać hetyja navyki. U dziacinstvie nikołi nia moh sabie ŭjavić, što budu muzykantam i prahramistam.

U škole pašancavała sabrać akustyčny hurt z adnakłasnikaŭ, va ŭniviersitecie hraŭ na hitary ŭ hurcie "Chaładzilnik", potym byli "Tefronomatia", "Holy Diver", bas-hitara ŭ hurcie "Twice Die", ekspierymienty z elektronnaj muzykaj u miežach solnaha prajektu "Ress 24" i ŭdzieł u zborniku pieramožcaŭ konkursu Electro2004, vykanańnie ŭłasnych tvoraŭ u hurcie "Navsegda" ŭ jakaści vakałista, hitarysta i aranžyroŭščyka, pramy efir finała adboračnaha tura dziciačaha Eŭrabačańnia ŭ akampanirujučym składzie Dzmitryja Kałduna, hraŭ na basu i spiavaŭ u hurcie Dilemma. Ciapier spiavaju ŭ składzie Concordia Chor, hraju na hitary ŭ roznych prajektach z siabrami, da i šmat čaho jašče...

Prafiesija prahramista dała mahčymasć nia tolki pabyvać u roznych kutkach Eŭropy, ale pražyć i papracavać tam niekatory čas, asabista ŭ Hiermanii, i nakiroŭvać atrymanyja hrošy ŭ lubimuju spravu - ŭ muzyku. Amal štodzionna davodzicca praktykavacca ŭ anhłijskaj ci niamieckaj movach.

Praciahvajecca praca nad novym albomam, ŭ jaki vojduć tvory, častku jakich prychilniki mahłi ŭžo čuć na kanciertach hurtoŭ, dzie mnie davodziłasia prymać udzieł.

Siarhiej Osipaŭ